Gefin fyrir drama þessi dama

Gefin fyrir drama þessi dama

mánudagur, janúar 19, 2004

Ath! Ath! Ath!
Ég er komin með nýja heimasíðu og mun því ekki skrifa meira hér inn. Nú geta þeir sem áhuga hafa fundið mig á þessari slóð



laugardagur, janúar 17, 2004

music
Good. You know your music. You should be able to
work at Championship Vinyl with Rob, Dick and
Barry


Do You Know Your Music (Sorry MTV Generation I Doubt You Can Handle This One)
brought to you by Quizilla



föstudagur, janúar 16, 2004

Jæja, nú er ég búin að fá leyfi til að deila með ykkur sæta ljóðinu sem var skrifað til mín skömmu eftir ljóðakvöld ljod.is á Hressó e-n tímann fyrir jól. Það var stelpa sem heitir Myrra sem skrifaði það, en við höfum skrifast svolítið á inni á huga.is
Og hún sagði að ég mætti gera við það hvað sem ég vildi, og ég vil endilega sýna öllum sem lesa þetta hvað fólk getur verið ótrúlega sætt og indælt. Mér finnst þetta allavega yndislegt:)


U.S

Þú ert falleg, orðum prýdd
einnig í ásýnd.
Ég stend sjálfa mig að því að renna fingrunum
draumkennt,
yfir
skjáinn
til að reyna að komast nær þér.

Því þetta taumlausa vald sem þú hefur yfir orðum
heillar mig
og hræðir í senn.

Samt les ég þig
í gegnum orðin
og yfir í þennan heim sem þér tekst að skapa allt í kring um þig.

Og mér finnst ég kannast við hann
kannski stundum
í andartak.

(Myrra Rós)



mánudagur, janúar 12, 2004

Ég finn mig knúna til að biðjast afsökunar á óheyrilegri bloggleti minni. Ég bara hef e-ð svo fátt að segja. En þó get ég sagt þær fréttir að bráðum (fer reyndar allt eftir getu minni til að læra nýja tölvutengda hluti) fæ ég nýja heimasíðu þar sem verður agalega fínt aðgangskerfi með lykilorðum og veseni. Þá get ég heldur betur farið að skrifa klám og viðbjóð án þess að móðga neinn:) Gaman, gaman.
Og svo get ég bætt við fréttaskoti af fjölskyldumálunum. Litli frændinn hefur fengið nafn og heitir nú Pálmar Lárusson. Til hamingju með strákinn Steinunn mín.

Svo ætla ég að kasta inn þessu kjánalega netprófi. Kannski lætur einhver blekkjast og heldur að ég sé dugleg að blogga af því að færslan er að verða svo löng:)
HASH(0x87cf84c)
Your Eyes Rule You. You highly value the things
that are beautiful. You enjoy being aritistic
and creative; you also value those qualities in
others. You'd like to be more adventurous and
risk-taking, but you'd rather be cautious and
check things out first.


What Is Your Dominant Body Part?
brought to you by Quizilla



fimmtudagur, janúar 08, 2004

HASH(0x8784e64)
Heaven: You are a true angel. You are destined to
move on to a place where there is no evil, just
people as beautiful and pure as you. Graceful
and classy, an angel like you has wonderful
things ahead!


**Where will you go when you die?**(now with pics)
brought to you by Quizilla



þriðjudagur, janúar 06, 2004

Ég á lítinn frænda!!! Steinunn og Lalli eignuðust lítinn gutta um sexleytið í gærmorgun:) Og núna langar mig svo austur að kíkja á strákinn að ég er alveg að deyja. En það kemur að því. Ég er einmitt að berjast við að smíða einhvers konar plan um að fara austur á þorrablót 7. febrúar (og helst náttúrulega að draga Ingimund með - en það gengur samt örugglega ekki). Svo ef einhverjir yndislegir Norður-Hérar (eða bara Austfirðingar almennt) ætla austur þessa helgi/vita um ferð/vilja lána mér bílinn sinn þá mega þeir gjarnan láta vita. Sem fyrst:) Og eins má gjarnan láta þessa hugmynd berast e-ð manna á milli, svoana ef einhverjir skyldu nú ekki vera nettengdir.



fimmtudagur, janúar 01, 2004

GLEÐILEGT ÁR! Og takk fyrir allt, allt, allt á liðnu/-um árum.
2004 er gengið í garð og það byrjar vel. Nei, ekki vel, yndislega. Ég er, akkúrat núna, ofsalega hamingjusöm. Við Ingimundur borðuðum góðan kvöldmat saman og höfðum það huggulegt og svo kíktum við til Unnar og Bjarna í eftirmat og e-ð svona fjölskyldudæmi. Það var indælt, og svo er ég búin að vera að flækjast með Unni, Bjarna og Loru í alla nótt. Gaman, gaman. Og mér líður svo vel og ég er svo ánægð:) Ykkur er velkomið að samgleðjast mér, en annars er ég nógu ánægð fyrir okkur öll!



þriðjudagur, desember 30, 2003

Eftir dálitla umhugsun ákvað ég að láta þetta bara vaða hérna inn. Jafnvel í von um að sá sem á það reki augun í það. Þú veist hver þú ert, og sjálfsagt geta fleiri ráðið í táknin. En það skiptir eiginlega ekki öllu máli, þetta er bara e-ð sem mig hefur stundum langað til að segja en aldrei komið orðum almennilega að. Látum það standa svona, það er ekki verra en hvað annað.

SAKNA ÞÍN STUNDUM
Stundum hugsa ég um það sem þú sagðir þarna um kvöldið. Að þú værir hræddur um að finna kannski aldrei neina eins og mig. Ég finn þennan sama ótta lauma sér inn í brjóst mitt annað veifið. Því við vorum jú að svo mörgu leyti svo góð saman. Svo ótrúlega góð. En svo vorum við líka vond við hvort annað, særðum og meiddum. Svo ég held við vitum bæði að þetta var fyrir bestu, það kom í raun ekkert annað til greina en að fara sitt í hvora áttina. Enda sjáum við það skýrt og greinilega að við erum bæði svo miklu ánægðari svona.

En stundum, stundum bankar söknuðurinn á hjartað og býður sjálfum sér inn. Býður jafnvel með sér ýmsum kunningjum sínum sem ég vil helst ekki sjá í mínu hjarta, en kann þó varla við að henda út því móðir mín ól mig upp til að vera kurteis og gestrisin. Svo sitja þeir að sumbli í kringum sálina mína þeir kumpánar, Söknuður, Ótti, Einmanaleiki og Efi. Oftar en ekki slást þær í för með þeim dáindismeyjarnar Depurð, Biturð, Sorg og Sút og föruneytið slær upp balli í iðrum mínum. Þar dansa þau dátt fram eftir nóttu, eða allt þar til maginn í mér hleypur í hnút og vindur upp á sig svo tárin streyma úr augunum. Þá glotta þau í kampinn, en láta sig þó hafa það að skreiðast út. Aldrei þó án þess að skella á eftir sér hjartalokunum svo hjartað slái aukaslag og ég haldi að kannski slái það svo undarlega af gleði yfir brottför þeirra og ég sé endanlega laus við þau úr lífi mínu. Enn hefur sú von ekki ræst, en þó held ég í hana eins og hið víðfræga hálmstrá því ég veit að ég breytti rétt, veit að þetta varð að gerast og við erum betur sett fyrir vikið. Fyrr eða síðar hljóta þau að gefast upp á að ásækja mig og finna sér annað fórnarlamb.



mánudagur, desember 29, 2003

Það er gott að koma heim. Finna hvaðan maður kemur og hvert maður getur alltaf snúið sér ef e-ð bjátar á. Þetta er eins og púsluspil, allt í einu finnur maður hvernig maður passar inn í og hvernig allir kækirnir og málvenjurnar sem vinunum í bænum þykja sérkennilegar eiga sér stað hérna í sveitinni.

Pabbi gengur um gólf, stjáklar myndu sumir eflaust segja, og talar við sjálfan sig meðan hann leitar að hlutum sem hann hefur sjáfur lagt frá sér einhvers staðar og man nú ekki hvar eru. Gleraugun hans, bókin, sokkarnir, já jafnvel buxurnar eru meðal þess sem hann leggur frá sér og finnur svo ekki aftur. Ég er kannski ekki alveg svona slæm, en ætli Svanur (og jafnvel einhverjir fleiri) gætu ekki borið vitni um svipaða hegðun mína á stundum.

Hér þykir mörgum það fullkomlega í lagi að éta afganginn af eftirmatnum í morgunmat daginn eftir, nú eða þá bara konfektmola ef ekkert varð eftir af eftirmatnum. Og að éta konfekt allan daginn, því það eru nú einu sinni jólin. Enda er hér keypt óhemjumagn af konfekti fyrir jólin. Í ár held ég að hafi verið fjárfest í einum 3 kílóum af Nóakonfekti, þar sem ekkert annað er fjölskyldunni boðlegt. En það kemur þó að sjálfsögðu ekki í veg fyrir að við hökkum í okkur það gjafakonfekt sem hér slæðist inn fyrir dyr, jafnvel þó það sé frá öðrum framleiðendum. Tvöfalt súkkulaðisiðferði er hér mjög í hávegum haft.

Steinunn systir er komin níu mánuði á leið, var skráð í gær en ekkert bólar enn á Bóthildi litlu. Eða Karki. Við höfum verið óþreytandi að stinga upp á nöfnum sem hafa þó ekki hlotið neinn sérstakan hljómgrunn hjá verðandi foreldrunum. Kannski ekki við því að búast, ekki gerðu þau neitt með frábærar tillögur okkar þegar von var á hinum börnunum þeirra tveimur. En það er allt í lagi, við styttum okkur stundir við hinn hefðbundna nafnafasisma fjölskyldunnar engu að síður. Við erum nokkuð sammála um það systur að það færi vel á því að fólki yrði gert það skylt að bera nafngiftir barna sinna undir okkur, að við hefðum úrslitavald um slíkt. En þar sem við erum oftar en ekki skammaðar fyrir ósveigjanleika og fordóma í þessum málum þá held ég sé best að ég sleppi því alveg að nefna dæmi um þau nöfn sem fara í taugarnar á okkur og okkur finnst að ætti að banna foreldrum að nota. Ekki vil ég móðga neinn, það eru nú jól og allir eiga að vera góðir.

En þó jólin séu í hámarki og allir eigi að vera góðir þá kemur það ekki í veg fyrir að familían kasti sín á milli minni háttar svívirðingum og blammeringum eins og hefur viðgengist um áraraðir. ,,Hvað segirðu, ætlarðu ekki að fara að drífa þig í megrun?" ,,Heldurðu nú ekki að þú sért búin að borða nóg?" ,, Ætlarðu að fá þér MEIRA konfekt!?" ,,Jæja, ætlarðu ekki að fara að skipta um föt?" o.s.frv. o.s.frv. Að ógleymdum náttúrulega tilvitnunum í bíómyndir, áramótaskaup, spaugstofuþætti og annað slíkt léttmeti sem flýgur hér um loftið eins og örvahríð. Það er svo sannarlega ekki á allra færi að fylgjast með samræðunum í þessari fjölskyldu. En oftar en ekki skiljum við hvert annað, sem hlýtur eiginlega að skipta hvað mestu máli.

Finnst ykkur nokkur furða að ég eigi bágt með að slíta mig frá þessu? En þó er það einmitt það sem ég ætla að gera í ár. Ég ætla að fara í bæinn á gamlársdag og eyða áramótunum í Reykjavík fjarri fjölskyldustemningunni, í fyrsta skipti. Ég hef bara einu sinni áður eytt áramótum annars staðar og það var í kyrrðinni í Breiðdalnum, hjá fyrsta kærastanum mínum og foreldrum hans. En núna hálflangar mig að prófa að vera í bænum og eftir miklar vangaveltur og heilabrot bókaði ég flug suður um hádegi á gamlársdag. Og ég ætla að vera little miss housewife fram eftir kvöldi og elda hangikjöt handa strákunum mínum (Svani og Ingimundi) og ætli ég fari svo ekki bara á skrall með Unni minni uppúr miðnættinu. Það verður örugglega alveg ljómandi.



sunnudagur, desember 28, 2003

Jólajólajól. Mikill fyrirtakstími, hefur mér alltaf fundist. Eini tími ársins sem er fullkomlega í lagi að gera andskotann ekki neitt. Fullt af góðum mat, nægur tími til að liggja í leti með bók og allt einhvern veginn svo ágætt. Þetta eru samt búin að vera dálítið skrýtin jól, en ekki svo mjög að það hafi verið til vansa. Það eru bara ákveðin viðbrigði að halda ekki jól í húsinu sem maður hefur alltaf átt heima í. Og svo eru þetta fyrstu jólin án ömmu:( En ekki misskilja, ég er búin að eiga assgoti góð jól. Og nýja húsið er frábært:) Gaman fyrir gömlu hjónin að vera komin í sérhúsnæði, í fyrsta sinn í ríflega 30 ára hjúskapartíð.
Í gær fór ég svo með stelpunum, Ringu & Sigrúnu, á ball á Egilsstöðum. Merkilegt nokk, þá var það bara gaman. Hitti fullt, fullt af fullu, fullu fólki og af því að ég var líka full, full þá fór bara ágætlega á með okkur. Eini gallinn er sá að ég er búin að vera fárveik í allan dag:( Ég er fyrst að skríða saman núna, kom niður brauðsneið sem ég er a.m.k. ekki enn búin að æla (7-9-13). Missti af matarboðinu hjá Steina bróður (sem á afmæli í dag - er orðinn heilla 34 ára!) og Guðrúnu, sem er ferlega fúlt. En svona fer þetta víst þegar maður kann sér ekki hóf í áfengisdrykkjunni.



þriðjudagur, desember 23, 2003

Ætla bara rétt að láta vita að ég er enn á lífi og bera af mér sakir um bloggleti. Þannig er bara að símanum mínum var lokað (og það skal tekið fram að það var sko ekki mér að kenna!) og því hef ég ekki komist á netið í þó nokkra daga. Ég nenni andskotann ekkert að skrifa núna, er að búa mig undir að fara heim í heiðardalinn á morgun og á alltof margt eftir til að hanga á netinu. En ég skal áreiðanlega skrifa e-ð yfir hátíðirnar, ég lofa því.

GLEÐILEG JÓL!



sunnudagur, desember 14, 2003

Ég held að konur séu geðveikar! A.m.k. ég:( Það er fullt af strákum, góðum og indælum strákum, sem eru hrifnir af mér og finnst ég æði, en einhvern veginn þarf ég alltaf að verða hrifin af strákum sem eru ekki "skotnir" í mér til baka. Þeim þykir kannski vænt um mig og allt það, en þeir segja mér að ég megi ekki vera skotin í þeim og gera mér erfitt fyrir að vera hrifin. Hvurn andskotann á þetta eiginlega að þýða??? Er það ég sem er svona mikið frík að geta ekki valiðmér almennilega karlmenn til að verða hrifin af, eða eru konur bara almennt séð klikk??? SVör óskast, takk fyrir!!!



fimmtudagur, desember 11, 2003

Ekki passar þetta nú neitt sérstaklega vel við mig. Mér fannst bara línan um Rúdolf svo góð að ég varð að skella þessu inn. En netvísindin hafa samt ekki alveg rétt fyrir sér; ég þarf ekki að reyna að láta drepa Rúdolf, samkvæmt áreiðanlegum heimildum skaut pabbi minn hann fyrir löngu síðan:)

Adam lay y bounden
You are 'Adam Lay Y Bounden'! Ah, you appear to be
something of a Christmas snob. Whether you are
a musician who has sung one carol service too
many, or merely someone with very highbrow
views on music and culture, you shudder at the
thought of piped music in lifts, wince at
endless repetitions of Jingle Bells and have
put out a contract on Rudolph. While you agree
that some of the well-known carols are lovely,
you are more drawn by the really obscure
medieval carols, or the ones arranged by Bach.
You also know parodies of several carols - a
legacy of excessive carolling, or perhaps just
the product of an enquiring and slighly cynical
mind... Try to enjoy Christmas, anyway.


What Christmas Carol are you?
brought to you by Quizilla




Vá, það er orðið langt síðan ég hef nennt að skrifa e-ð. Kannski ég reyni að bæta e-ð fyrir það. Helgin leið, eins og svo margar aðrar, við glaum og gleði, áfengisdrykkju, dans og dufl. Föstudagurinn var fremur viðburðalítill. Ég var góð lítil systir og lánaði Ingunni föt og skó og málaði hana, gaf henni viský og sendi hana svo í fertugsafmæli til konu sem vinnur með henni. Systir var æðisleg skvísa, í svörtum kjól og rauðum skóm:)
Svo fór ég út, hitti fólk, drakk bjór, kjaftaði og skemmti mér alveg hreint ágætlega. Fyrir utan mómentið þegar við Stefán Bogi rifumst hroðalega og ég braut flösku í bræðiskasti. En það entist ekki lengi, svo það telst varla með. Fyrrverandi kærastar hafa alveg rosalega gott lag á að hitta illa á einhverja viðkvæma punkta svo maður verður reiður. En við erum löngu orðin vinir aftur eftir þetta.

Svo fékk ég boð sem ég gat ekki hafnað á laugardaginn. Vinur Ringu, Jón Fannar, var að fara á jólahlaðborð með áhöfninni sinni og langaði svo mikið að hafa með sér "deit". Og mér var boðið:) Þannig að ég fór í síðkjól og var glæsileg og fór út að borða á Lækjarbrekku með fullt af indælu fólki sem ég þekki ekki neitt. Og merkilegt nokk þá var það bara alveg helvíti gaman. Það er ótrúlegt hvað ég hef skánað mikið í svona social hlutum á stuttum tíma. Ég small-talkaði alveg eins og meistari og var bara ekkert eins og fífl. Og um miðnættið þegar við vorum búin að borða góðan mat og drekka kaffi og koníak og hafa það huggulegt þá fór ég og hitti Unni og Bjarna á 22 þar sem þau höfðu verið á Dömustaðaballi. Og svo skröltum við saman allt kvöldið og það var gaman:)

Og í gær var ég á Muse-tónleikunum í Höllinni! Djöfull var það æðislegt! Þeir eru geðveikt góðir. Og Ingimundur var súpersætur og keyrði okkur á tónleika og heim aftur. Það var rosalega fallegt af honum því það var hrikalega kalt úti. En það var svvoooo gaman!!!



þriðjudagur, desember 09, 2003

Jippí, Bloggerinn loksins kominn í lag. Kannski er annars langt síðan, ég varð bara svo fúl á laugardaginn þegar þetta virkaði ekki að ég hef ekki reynt síðan. En núna er ég ógeðsþreytt og ætla að fara að sofa. Lofa samt að koma með standard-helgarreportið fljótlega.



fimmtudagur, desember 04, 2003

Tilkynning dagsins er þessi: Ég var að bæta inn dóti á kasmír-síðuna mína (linkur undir Ljóðagerðin hf. hérna til vinstri). Ég setti inn tvö ný ljóð og svo er glænýtt "lesbíuklám" undir titlinum 'Draumur um hana'. Ég hafði reyndar ekki hugsað mér að deila því með öðrum en sérstaklega völdum einstaklingum, en svo er ég bara svo helvíti ánægð með þennan prósa að ég get ekki stillt mig um að smella honum fyrir hunda og manna fætur. Tjékk it át at vill.



miðvikudagur, desember 03, 2003

Jebb, netvísindin eru svo sannarlega óbrigðul:)

Artistic
You are naturally born with a gift, whether it be
poetry, writing or song. You love beauty and
creativity, and usually are highly intelligent.
Others view you as mysterious and dreamy, yet
also bold since you hold firm in your beliefs.


What Type of Soul Do You Have ?
brought to you by Quizilla




Weblog Commenting by HaloScan.com
Free Counters
Pacific Sunwear Clothing